السلام عليكم ورحمة الله وبركاته
حبيت أني أدخلكم في بعض من يومياتي العائليه
وأشارككم فيها لذلك النقد مقبول والزعل مرفوض
هذا حوار صار بيني وبين أبو العيال
*************
أبو العيال : السلالالالام عليكم
أنا :هلا والله عليك السلام
أبو العيال : وشفيه خلووود يبكي
أنا : ضايق صدري من أمس وحطيت الحرة فيه
أبو العيال : خير أن شاء الله وش فيك عسى ماشر ؟
أنا :أبد سلامتك ماشر
بس أمس يوم رحنا للسوق كل ماألتفت عليك ألا عيونك صايرة كنها رادار الله يهديك مغير موصل هذه ومن عقبها هذيك وشفيك مغير تقزقز هالبنات هذا وأنا معك وشلون لو أنك لحالك ؟
أبو العيال : أحححححححححم بس هذا الله يهداك ناقد عليهم أنا
أنا : وش ناقد عليهم فيه أهاااا قل لي ؟
أبو العيال :والله مدري وش أقول ومنين أبدأ
أنا : يالله عاد سمعنا وش تفسيرك لهذيك النظرات طال عمرك (وحدة موصله معها من الغيرة )
أبو العيال :كنت أناظرهم وأخزهم أبيهم يستحووووون
ومبقق عيوني على الآخر بس لاحياة لمن تنادي ( يعني ماعطوه وجه)أنا : أهههههااااااا وبعدين ؟
أبو العيال : أنتي ما شفتي أشكالهم واللي حاطينه فوق روسهم ؟؟
مدري وش تسمونه ؟؟أنا : أيوااا وبعدين شفتهم وغير هالكلام
أبو العيال : أنتي وش فيك منتي مصدقتني !!!!
والله أنهم يضحكون كان ودي أجمعهم وأحطهم في حوض الوانيت وأقطهم في شبك البل عند خوااالك 
( لقاله حل يقالك )أنا : تبيهم أبل لخوالي آآآآآآه ها الله يجزاك خير
( يحسبني مصدقه )أبو العيال :
وأنتي ليش قاعدة تراقبيني أجل ؟؟؟؟صايرة المحقق كونن على غفلة وأنا مدري ؟؟؟أقول ما ودك تفتشين جيوبي أحسن !!!! ( بصوت الأسد )أنا: لبيييييه وش تقصد !!!
( خبص قلبي لما عصب )أبو العيال: أقول قومي حطي غداي عن الهذرة الزايدة
أنا : أبشر أبشر طال عمرك
( ركض للمطبخ ) ( هذه نهايه الموقف )
راجعه لكم بمواقف أخري
جاته فكرة 
دحوم ولدي الكبير
آخر العنقود خلودي 
