قالت تضيق إن غبت بالحيل قلت إيه
أكـره حياتـي كلـهـا فــي غيـابـك
وشلون وأنتي قلـب حبيبك ملكتيـه
أكيـد نبـضـه يختـلـف فــي ذهـابـك
قالت صحيح..؟وقلـت ياغايتـي ليـه
ماتعرفـيـن إنــي أمــــوت بجـنـابـك
أعشق وصالك وأكره الهجـر طاريـه
وأعيـش لحظـات الغـلا فـي رحابـك
والليـل فـي ذكـراك تطـرب مساريـه
ويشوقـنـي بالـحـب لحـظـة عتـابـك
والقـلـب لــو بـيـدك جرحتـيـه منّـيـه
مـا قـول غـيـر إلا هــلا مرحـبـا بــك
القـلـب وعيـونـي وروحــي وراعـيـه
كلهـن رصيـد مسجّـل في حسابـك
يفداك من تمشي على الأرض رجليـه
ويفـداك مـن ذاق الغـلا واعتـزى بـك
قـالـت حبيبي,,وقـلـت لـبّـيـه لـبّـيـه
لبّا الخـدود اللـي زهـت فـي شبابـك
قالـت أحبـك والـغـلا شــف مـواريـه
وسط العيـون السـود يشكـي عذابـك
أنت الحبيب وباقـي النـاس مـا بيـه
أمـوت فـي لامـاك وأعـشـق تـرابـك
الحـب فـي عيونـك غرقـت بموانـيـه
والشـوق وقّـف بـي علـى حـد بـابـك
ولو تلحـق الشرهـه حبيبـي مشاريـه
مابيـع حبّـك دام قلـبـي رضــى بــك
ميرالـدلـع مابـيـن غـالـي وغـالـيـه
أنــا أدري أنـــه مــا يـزعّـــل جـنـابـك
قلـت الدلـع والزيـن عـنـدك مبـاديـه
والعشق يحيـا لأرتـوى مـن سحابـك
يااللـي ورود الحـب فينـي زرعتـيـه
وأنـا كتبـت الشـوق داخــل كتـابـك
ليـن الغـلا من نـهر حـبي سقيتـيـه
وأحيـا بساتيـن الغـلا وأرتـوى بــك
يافرحـة الحاضـر بنكهـات ماضـيـه
أكــره حياتـــي كلـهـــا فــي غيـابـك
