السلااااااااااااااام
هذي قصيده شفتها في منتدى من المنتديات واعجبتني
فحبيت اني انقلها لكم
------------------------------------------------------
تدري وش اللي يتعب البنت ياسعود...؟!
رجـلٍ يخـون اشواقهـا و الـمـودة
إللي إلا احتـاج الغـلا صـار نمـرود
وإلـى شبـع ممـا عطـاه إسـتـرده
البنت ريحانة غـلا ... ناعمـة عـود
تبـي لهـا رجـلٍ ورث طيـب جـده
رجلٍ فعولـة كلهـا جـود فـي جـود
مـا يلتفـت للـي كفوفـه تمـده ...!!
رجـلٍ إلا جتـه الليـالـي بمنـقـود
يتكـى لهـا مـا بيـح الوقـت سـده
مهوب خبلٍ مـا رعـى للهوى عهـود
وادنـاة مـا عـارض طريقـه يـرده
ولاهوب لاعلـة ... ولاهـوب ملهـود
ولا شكوك ... و كـلٍ طـارئٍ يحـده
ما اشين من الرجـال لا جـاك ببـرود
وإن قال له تـرف القـدم شـي صـده
تبي لهـا بـراق طيـبٍ لـه رعـود
إن اجدبت يمطـر علـى ريـف خـده
وإن نادته تكفـى لقـت عنـده الفـود
يشيـل عزتهـا علـى قــو زنــده
كفه نفل ... وانفاس صدره لهـا عـود
وظلالـه الضـافـي بيـدهـا تـمـده
البنت خد ... وقد ... ونواظـرٍ سـود
وريحة غلاً ... ياسعد مـن شـم نـده
البنت إلا ضحكـت ثمرهـا لـك ورود
يا سعـد مـن يقطـف نواويـر وردة
واللي يهين البنت ناقص ... ومقـرود
فرس غـلا ... ماهـي حمـارة مكـدة
