ابطيت اصب القصيـد ابطيـت اهـد السـدود ..ابطـيـت اكثـرنـي بنفـسـي لنفـسـي حـصـاد ..
يا عالي الحلم قل لي مـا علـى الوقـت زود ..منهو مـن الثانـي المـورق و منهـو الجـراد ..
احيان احـس انـي اكثـر شـي فينـي صعـود ..و احيان احس انـي ابعـد مـا يكـون المـراد ..
انـــا امـتــداد لأنــــا فـيـنــي بـلـيــا قــيــود ..مـن غيـر لا افـرض لنفسـي انــا و امـتـداد ..
ياخـذنـي ادراكــي لـذاتـي بــذات الـوجـود ..لابـعــاد رحـبــه مـمـتــده لــيــوم الـمـعــاد ..
فنـاء الاحـيـاء صــورة لانعـكـاس الخـلـود ..مـفـاده ان الـكـفـن مـعـنـى جـلــي للـمـهـاد ..
مـن اول الوهـم لـيـن آخــر حقيـقـة تـسـود ..يـدور الانسـان فـي نفـسـه كـبـد و اجـتـلاد ..
لـــذا تـوغـلـت بـالـلاحـد رغـــم الــحــدود ..لعـلـنـي اقــنــع افــاقــي بــوســع الــبــلاد ..
لبسـت شـم القصـور الشاخصـة فـي بـرود ..و استملكتـنـي ارم ف ابــداع ذات الـعـمـاد ..
في روعه الدهشه اكثـر مـا انتباهـي يجـود ..و باللحـظـةالـدارجـة يخـنـقـنـي الاعـتـيــاد ..
فـي الـف ليلـة و ليلـة مـن خيـال و شـرود ..كنزت في خاطري سيف و مسا و شهرزاد ..
لبـاكـر الـلـي رقــت فـيـه الامـانـي سـنـود ..و لمحبةالابيـض ان غاصـت بقلـب ســواد ..
الشعـر مـن جمـرة الشـاعـر كتمـهـا بـعـود ..ثــم فــاح دخـانـه احــزان و نشـمـه عـيــاد ..
شـاعـر عـطـا دفـتـره غـيـم و يديـنـه ورود ..لا تلومه ان شفـت لأنفاسـه هجيـر و رمـاد ..
اعلن علـى ضامـي الهاجـوس جفنـه ورود ..و اعلن على حامـي الوجـدان صوتـه بـراد ..
فـي نظرتـه تقبـس البنـدق و تجـفـل عـنـود ..فــي نظـرتـه للقـلـم معـنـى مـهـو بـالـزنـاد ..
تـمـرده مــن جـنـون الـوعـي لـكــن يـقــود ..لـشـاسـع المـنـطـلـق و لـثـابــت الاعـتـقــاد ..
لـنـاره افـكـاره اشـتــب الأحـاسـيـس نـــود ..كل قلب غالي و كـل معنـى كريـم و جـواد ..
يحـق لـه لـو تبعـه اسـمـه لــدرب الخـلـود ..و يـحـق لــه لــو يهـيـم بـداخـلـه كـــل واد ..
****
